📌 Yashnobod tumanidagi 156-sonli umumiy o‘rta ta’lim maktabida “Uch avlod uchrashuvi” tadbiri o‘tkazildi.

❗️Uchrashuvda O‘zbekiston faxriylarining ijtimoiy faoliyatini qo‘llab-quvvatlash Nuroniy jamg‘armasi Boshqaruvi raisi S. Turdiyev, Xalq deputatlari Toshkent shahar Kengashi raisi R. Kalanov, Yashnobod tumani Nuroniy jamg‘armasi raisi B. Xudoyorov, Xalq deputatlari Yashnobod tumani Kengashi deputatlari U. Muhammadiyev, T. Axmedova va N. Abduroziqova ishtirok etdilar.

❗️Tadbir davomida nuroniylar o‘zlarining boy hayotiy va mehnat tajribalari, bosib o‘tgan hayot yo‘llari haqida yoshlar bilan o‘rtoqlashdilar. Yoshlarga kelgusidagi o‘qish va mehnat faoliyatida muvaffaqiyat tilab, hayotiy tajribalaridan kelib chiqqan holda tavsiyalarni bildirdilar.

✅ O‘z navbatida, yoshlarning fikr-mulohazalari, qiziqishlari va kelajakdagi maqsadlari ham tinglandi. Uchrashuv avlodlar o‘rtasida o‘zaro muloqot va tajriba almashish uchun muhim maydon bo‘ldi.