Aholi bandligini ta’minlash, kambag‘allikni qisqartirish, ehtiyojmand oilalarga manzilli ko‘mak ko‘rsatish hamda aholiga sifatli ijtimoiy xizmatlar ko‘rsatish — deputatlik nazoratining muhim yo‘nalishlaridan biridir.
Shu maqsadda Xalq deputatlari Shovot tumani Kengashining 24-Gulshan saylov okrugidan saylangan deputati Masharipov Izzat Masharipovich hamda Xalq deputatlari Xorazm viloyati Kengashining 36-Monoq saylov okrugidan saylangan deputati Ishchanov Alibek Raximberganovich hamkorligida Gulshan mahallasida o‘rganish ishlari olib borilib, aholi bilan ochiq muloqot o‘tkazildi.
Muloqotlar davomida ishsiz fuqarolarni ish bilan ta’minlash, ehtiyojmand oilalarga ijtimoiy xizmatlar ko‘rsatish, aholi daromadlarini oshirish, ta’lim va tibbiy xizmatlardan foydalanish imkoniyatlarini kengaytirish hamda yashash sharoitlarini yaxshilash masalalariga alohida e’tibor qaratildi.
📊 Gulshan mahallasida quyidagi aniq vazifalar belgilandi:
·         21 ta oilaga ijtimoiy xizmat ko‘rsatish;
·         77 nafar fuqaroni bandlik bilan ta’minlash;
·         18 nafar fuqaroning ta’lim bilan bog‘liq muammolarini hal etish;
·         51 nafar fuqaroning tibbiy xizmatlardan foydalanishini ta’minlash;
·         9 nafar fuqaroning yashash sharoitlarini yaxshilash;
·         xorijda bo‘lib turgan 326 nafar fuqaro bilan bog‘liq masalalarni o‘rganish.
🤝 Belgilangan vazifalar ijrosi deputatlar va “mahalla yettiligi” hamkorligida manzilli va tizimli ravishda tashkil etilmoqda.
Asosiy maqsad — har bir xonadonga kirib borish, muammoni aniqlash va uning yechimiga amaliy ko‘mak berish.
Aholi farovonligini oshirish, ishsizlik va kambag‘allikni qisqartirish hamda ijtimoiy muammolarni hal etish borasidagi ishlar deputatlik nazorati ostida izchil davom ettiriladi.