Xalq deputatlari Chilonzor tumani Kengashining 4-Novza saylov okrugi deputati, tuman hokimi Xolxo'jayev Saidqahhor Muhammadkarim o'g'li tomonidan Novza mahallasi yettiligi bilan birgalikda ijtimoiy reyestrga kiritilgan oilalarning holati o‘rganildi.
Dastlab mahalla yettiligi bilan amalga oshirilgan ishlar, erishilgan natijalar hamda galdagi vazifalar muhokama qilindi. Shundan so‘ng ijtimoiy reyestrga kiritilgan oilalar xonadonlariga tashrif buyurilib, ularning muammo, ehtiyoj va takliflari tinglandi.
Muloqot davomida har bir oilaning imkoniyati va xohish-istaklaridan kelib chiqib, daromadlarini oshirish, bandligini ta’minlash va barqaror daromad manbaiga ega bo‘lishi bo‘yicha aniq takliflar bildirildi. Ayrim masalalar joyida hal etilib, kelgusida amalga oshiriladigan vazifalar belgilab olindi.
Asosiy maqsad — har bir oilani qo‘llab-quvvatlash, mavjud muammolarni manzilli hal etish hamda oilalarning farovonligini oshirishga ko‘maklashish.