Xalq deputatlari Chilonzor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan “Yoshlar maslahat guruhi” tarkibiga o‘zgartirish kiritish masalasi ko‘rib chiqildi.
Doimiy komissiyaning 2026-yil 8-sentabrdagi DKQ 03-03/49-26-sonli qarori bilan “Yoshlar maslahat guruhi” faoliyatini yanada takomillashtirish hamda guruh tarkibini faol va tashabbuskor yoshlar hisobiga yangilash maqsadida tegishli o‘zgartirishlarni Kengashning navbatdagi sessiyasiga kiritish tavsiya etildi. Guruh tarkibi 12 nafar a’zodan iborat etib belgilandi.
Mazkur qaror O‘zbekiston Respublikasining “Mahalliy davlat hokimiyati to‘g‘risida”gi Qonunining 19¹-moddasi, shuningdek, O‘zbekiston Respublikasi Oliy Majlisi Senati Kengashining 2025-yil 26-fevraldagi “Xalq deputatlari viloyat, tuman va shahar Kengashlari huzurida Yoshlar maslahat guruhini tashkil qilish to‘g‘risida”gi KQ-102-V-sonli qaroriga asosan amalga oshirildi.