SOHILBO‘YI KO‘CHASIDAGI YO‘L MUAMMOSI O‘RGANILDI 

Xalq deputatlari Quva tuman Kengashi kotibiyat mudiri R.Nodirov hamda
kotibiyat bosh mutaxassisi M.To‘xtasinov tomonidan Tolmozor mahalla fuqarolar
yig‘ini Sohilbo‘yi ko‘chasi aholisining murojaatlari yuzasidan o‘rganish
ishlari olib borildi. 

Sohilbo‘yi ko‘chasi aholisi bilan o‘tkazilgan suhbat davomida ko‘chaning
umumiy 1200 metr qismi asfaltlanmagani, ayni paytda uning 450 metr qismiga
asfalt qoplamasi yotqizish zarurligi bildirildi. 

Mazkur masalani hal etish maqsadida zarur hujjatlarni belgilangan tartibda
rasmiylashtirish hamda tuman hokimligiga taqdim etish yuzasidan mahalla
mas’ullariga tegishli tavsiyalar berildi. 

Ko‘tarilgan masalaning ijobiy hal etilishi tuman Kengashi tomonidan
nazoratga olinishi ta’kidlandi. 

Aniqlangan muammo “Deputatning ko‘cha aylanish daftari”ga qayd etilib,
uning bartaraf etilishi deputatlik nazoratiga olindi.