Xalq deputatlari Zarbdor tuman Kengashi deputati Maxfuza Isroilova hamda Zarbdor tuman IIB rahbari Uyg‘un Sultonov tomonidan Sharq yulduzi mahallasida mahalla yettiligi va tuman tashkilotlari mas’ullari ishtirokida yig‘ilish o‘tkazildi.
Yig‘ilish davomida mahallada aholi bandligini ta’minlash, fuqarolarning murojaatlari bilan ishlash, mavjud muammolarni o‘z vaqtida aniqlash va hal etish masalalari muhokama qilindi.
Shuningdek, kuz-qish mavsumini betalafot o‘tkazish, aholi xonadonlarida xavfsizlik choralariga rioya etish, isitish moslamalaridan to‘g‘ri foydalanish hamda yuzaga kelishi mumkin bo‘lgan noxush holatlarning oldini olish bo‘yicha tegishli vazifalar belgilandi.
Yakunida belgilangan vazifalarni o‘z vaqtida va samarali amalga oshirish, aholi murojaatlarini nazoratga olish hamda mahallada mavjud muammolarni hamkorlikda bartaraf etish yuzasidan mas’ullarga tegishli topshiriq va tavsiyalar berildi.