Xalq deputatlari Qo‘qon shahar Kengashi kotibiyati mudiri A.Nosirov shahar hokimining birinchi o‘rinbosari O.Qurbonov bilan hamkorlikda “Quduqlik” mahallasida ijtimoiy reyestrga kiritilgan fuqarolarning yashash sharoiti va ijtimoiy holatini o‘rganish maqsadida xonadonlarga tashrif buyurdi.

O‘rganish davomida Abadiyat ko‘chasi, 5-tor, 2-“V” xonadonda yashovchi M.Umarova xonadoniga borilib, uning yashash sharoiti, ijtimoiy holati hamda mavjud ehtiyojlari bilan yaqindan tanishildi.

O‘rganish jarayonida Sanoatqurilishbank vakillari ham ishtirok etib, fuqaroning tadbirkorlik faoliyatini yo‘lga qo‘yishi va qo‘shimcha daromad manbaiga ega bo‘lishi uchun 100 mln so‘mgacha miqdorda imtiyozli kredit olish imkoniyatlari haqida ma’lumot va takliflar berildi.

Suhbat davomida M.Umarova oliy ta’lim muassasasining 2-bosqichini tamomlagani, biroq to‘lov-kontrakt mablag‘larini to‘lay olmaganligi sababli o‘qishini davom ettira olmaganini ma’lum qildi.

Mazkur masala yuzasidan fuqaroning ta’limini davom ettirishiga ko‘maklashish maqsadida shahar Yoshlar agentligi rahbariga M.Umarovaning oliy ta’limdagi o‘qishini tiklashga amaliy yordam ko‘rsatish, shuningdek, imkoniyatlardan kelib chiqib “Yoshlar daftari” jamg‘armasi orqali to‘lov-kontraktini to‘lashga ko‘maklashish bo‘yicha tegishli topshiriq berildi.

O‘rganish davomida fuqaroning nafaqat ijtimoiy, balki ta’lim va bandlik bilan bog‘liq masalalarini ham hal etishga kompleks yondashish zarurligi ta’kidlandi.

Xalq deputatlari Qo‘qon shahar Kengashi