Xalq deputatlari Furqat tumani Kengashi deputati M. To‘ychiev tomonidan o‘z saylov okrugi — 14-Qizil-qiyoq saylov okrugi hududida navbatdagi o‘rganish ishlari olib borildi.

O‘rganish jarayonida Qizil-qiyoq mahalla fuqarolar yig‘ini raisi I. Qo‘chqarov bilan birgalikda mahalla hududidagi mavjud holat, aholini qiynayotgan muammolar hamda fuqarolarning murojaat va takliflari bilan yaqindan tanishdi.

Shuningdek, hududdagi ijtimoiy va infratuzilmaga oid masalalar ko‘zdan kechirilib, ularni bartaraf etish bo‘yicha tegishli takliflar shakllantirildi.

Aniqlangan muammolarni hal etish, fuqarolar murojaatlariga amaliy yechim topish hamda saylovchilarning manfaatlarini himoya qilish masalalari deputatlik faoliyatining ustuvor yo‘nalishlaridan biri sifatida belgilandi.

Kelgusida o‘rganish davomida aniqlangan masalalar yuzasidan tegishli tashkilotlarga murojaatlar yo‘llanib, ularning ijrosi deputatlik nazoratiga olinadi.