#24_ta_muhim_masala
Yambaroq mahallasida joylashgan 5-sonli maktabda kuz-qish mavsumiga tayyorgarlik holati o‘rganildi

Xalq deputatlari Farg‘ona tuman Kengashi deputati Bumayramxon Sabirova tomonidan 5-umumiy o'rta ta'lim maktabida kuz-qish mavsumiga tayyorgarlik holati o‘rganildi.
O‘rganish davomida kuz-qish mavsumini betalafot va barqaror o‘tkazish maqsadida amalga oshirilayotgan tayyorgarlik ishlari, xususan, isitish tizimlarini mavsumga tayyorlash, issiqlik ta’minotining uzluksizligini ta’minlash, bino va inshootlarning tom qismi, eshik va derazalar holati, elektr tarmoqlari hamda yong‘in xavfsizligi vositalarining sozligi yuzasidan olib borilayotgan ishlar bilan tanishildi.
Ta’lim muassasasida mavjud 3 ta isitish qozoni ko‘zdan kechirilib, ularning texnik holati yaxshi ekani aniqlandi. Mazkur isitish qozonlari orqali 13 ta sinf xonasini isitish imkoniyati mavjud.
Shuningdek, o‘rganish davomida maktabning qish mavsumida o‘quvchilarning jismoniy tarbiya va sport mashg‘ulotlarini sifatli tashkil etishi uchun yopiq sport zaliga ehtiyoj mavjudligi aniqlandi. Mazkur masala ta’lim muassasasi uchun dolzarb muammolardan biri sifatida qayd etildi.

Aniqlangan kamchiliklarni bartaraf etish, maktabning kuz-qish mavsumida ta’lim jarayonining uzluksizligini ta’minlash yuzasidan mas’ullarga tegishli tavsiya va topshiriqlar berildi.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz