#_Yoshlar_maslahat_guruhining_faoliyati
#_kotibiyat_xodimi_faoliyati
Tuman Maktabgacha va maktab ta’limi bo‘limi faoliyati o‘rganildi

Xalq deputatlari tuman Kengashi huzuridagi “Yoshlar maslahat” guruhi tomonidan tuman Maktabgacha va maktab ta’limi bo‘limining faoliyati o‘rganildi.
O‘rganish jarayonida “Yoshlar maslahat” guruhi rahbari D.Sattorov hamda kotibiyati bosh mutaxassisi A.Nasriddinov ishtirok etdi.
O‘rganish davomida tuman hududidagi umumta’lim maktablari va maktabgacha ta’lim tashkilotlarida yoshlar bilan ishlash, ularning ta’lim-tarbiyasi, bo‘sh vaqtini mazmunli tashkil etish, iqtidorli yoshlarni qo‘llab-quvvatlash, yoshlarning muammolarini aniqlash va ularni hal etish borasida amalga oshirilayotgan ishlar tahlil qilindi.

Shuningdek, ta’lim muassasalarida yoshlar bilan ishlash samaradorligini oshirish, ularning huquq va manfaatlarini ta’minlash, ta’lim sifati va tarbiyaviy ishlarni yanada takomillashtirish masalalariga alohida e’tibor qaratildi.

O‘rganish davomida mavjud muammo va kamchiliklar yuzasidan mas’ullarga tegishli tavsiya va takliflar bildirilib, aniqlangan masalalarni bartaraf etish hamda kelgusida bu yo‘nalishdagi ishlarni yanada kuchaytirish bo‘yicha vazifalar belgilab olindi.

“Yoshlar maslahat” guruhi tomonidan ta’lim tizimida yoshlar manfaatlarini ifoda etish, ularning tashabbuslarini qo‘llab-quvvatlash va yoshlar bilan ishlash samaradorligini oshirishga qaratilgan o‘rganishlar izchil davom ettiriladi.