🏛 Xalq deputatlari Shovot tumani Kengashi raisi Babajanov Jamolbek Jumabayevich tomonidan tumanda dasturlar doirasida amalga oshirilayotgan ishlarning borishi muntazam nazorat qilib borilmoqda.
📍 Navbatdagi o‘rganish ishlari Tuproqqal’a mahallasida olib borilib, hududda yangidan barpo etilgan kutubxona faoliyati va uning atrofida aholi uchun yaratilgan sharoitlar joyiga chiqib o‘rganildi.
📚 Yangi kutubxona mahalla aholisi, ayniqsa, yoshlarning kitob mutolaasi bilan shug‘ullanishi, bilim va dunyoqarashini oshirishi uchun qulay va zamonaviy maskan sifatida xizmat qilishi ko‘zda tutilgan.
🌳 Shuningdek, kutubxona atrofi obodonlashtirilib, hudud aholisi uchun qulay va shinam muhit yaratish bo‘yicha amalga oshirilgan ishlar ko‘zdan kechirildi.
👥 O‘rganish jarayonida Kengash raisi bilan birgalikda Kotibiyat mudiri I. Masharipov hamda Kotibiyat bosh mutaxassisi U. Ro‘zmetov ishtirok etdi.
🔎 O‘rganish davomida kutubxonadan samarali foydalanish, hududdagi sharoitlarni yanada yaxshilash hamda aholi uchun qulayliklarni oshirish yuzasidan tegishli vazifalar belgilandi.
🤝 Aholi uchun yaratilayotgan har bir qulaylik — inson manfaatlariga qaratilgan e’tiborning amaliy ifodasidir!
📚 Kitobxon mahalla — ma’rifatli jamiyat poydevori!
🏡 Obod mahalla — farovon hayot!