⚡️ Kengash raisi A.Zikiryayev tashabbusi bilan keksalar o‘rtasida mini-futbol musobaqasi o‘tkazildi
Xalq deputatlari Baxmal tuman Kengashi raisi A.Zikiryayev tashabbusi bilan tuman hokimligi, "Nuroniylar" jamg‘armasi hamda Mahallalar uyushmasi hamkorligida sportning mini-futbol turi bo‘yicha "G‘ayratli keksalar" musobaqasining viloyat bosqichi yuqori saviyada tashkil etildi.
Kengash raisining ushbu tashabbusi keksa avlod vakillarini qo‘llab-quvvatlash, ular o‘rtasida sog‘lom turmush tarzini targ‘ib etish hamda mahallalarda do‘stlik muhitini mustahkamlashga qaratildi. Bahslarda 60 yoshdan oshgan nuroniylar o‘zaro murosasiz to‘p surib, yuqori jismoniy faollik ko‘rsatdilar.
G‘olib va sovrindor jamoalar tashkilotchilar tomonidan diplom hamda qimmatbaho esdalik sovg‘alari bilan tantanali ravishda taqdirlandilar.