Joriy yilning 4-sentyabr kuni Xalq deputatlari Bekobod shahar kengashi 11-“Turkiston” okrugi deputati E.Abduraxmonovga biriktirilgan kotibiyat bosh mutaxassisi U.Abdunazarov tomonidan “Turkiston” mahallasida chiqindilarni o‘z vaqtida olib chiqib
ketish holati o‘rganilgan edi. O‘rganish jarayonida “Shabnam obod servis” MChJ rahbari N.Normurodov bilan gaplashilib, chiqindilar uchun mo‘ljallangan shaxobcha atrofida betartib ravishda chiqindilar to‘planib qolganligi va konteynerlar yetishmasligi aytilgandi. Ushbu kamchilik bartaraf etilib, chiqindilar olib chiqib ketildi va konteynerlar soni 4 taga yetkazildi. Endigi navbat aholi tomonidan ham chiqindilarni tartib asosida konteynerlarga joylashtirishsa, atrof-muhitni ekologik va sanitariya holatini toza va saranjom bo‘lishlariga xizmat qiladi.