#Kengash_sessiyalariga_oid

“Ernazar” kanali uchun 184,9 mln so‘m mablag‘ yo‘naltirildi

Xalq deputatlari Payariq tumani Kengashining 2026-yil 26-avgustdagi VII-30-91-7-100-K/26-son qarori bilan tuman budjetining qo‘shimcha manbalari hisobidan 184 mln 978 ming so‘m mablag‘ “Ernazar” kanalini tegishli holatga keltirish va undan samarali foydalanishni ta’minlashga yo‘naltirildi.

Mazkur kanal Xalqobod MMTP hududidagi 11 ta fermer xo‘jaligining 480 gektar yer maydoni, shuningdek, “Xalqobod” MFY hududidagi 460 dan ortiq xonadon tomorqalarini suv bilan ta’minlashda muhim ahamiyatga ega.

Ajratilgan mablag‘ kanalning suv o‘tkazish imkoniyatlarini yaxshilash, sug‘orish ishlarini samarali tashkil etish hamda fermer xo‘jaliklari va aholi tomorqalarini suv bilan barqaror ta’minlashga xizmat qiladi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|