Ichki yo‘l muammosi o‘rganildi

Xalq deputatlari Termiz tuman Kengashi 1-Xalqabod saylov okrugi deputati N. Ruziyeva saylangan Orol MFY hududidagi ichki yo‘llarning holati fuqarolar murojaati asosida deputat bilan birgalikda o‘rganildi.

O‘rganish ishlari tuman Kengashi mutaxassisi K. Abdullayeva bilan birgalikda olib borildi.

O‘rganish davomida mazkur hududdagi 140 metr ichki yo‘l amaldagi dasturga kiritilmagani sababli yo‘lga shag‘al yoki asfalt yotqizilmagani aniqlandi. Ayniqsa, yog‘ingarchilikli kunlarda tuproq ko‘chaning loyga aylanishi fuqarolarning harakatlanishida qiyinchilik tug‘dirayotgani ma’lum bo‘ldi.

Fuqarolar murojaati yuzasidan masalani tegishli tashkilotlar bilan hamkorlikda hal etish, ichki yo‘lni ta’mirlash va kelgusidagi dasturlarga kiritish bo‘yicha tegishli takliflar bildirildi.

Murojaatning ijobiy hal etilishi deputatlik nazoratiga olindi.