Xalıq deputatları Bozataw rayonlıq Keńesi sekretariatı baslıǵı A.Ibragimov, Bozataw rayonı qurılıs hám úy-jay kommunal xojalıǵı bólimi baslıǵı J.Nietbaev penen birgelikte "Jańa Ózbekstan" kórinisindegi zamanagóy máhálle qurıw baǵdarında alıp barılıp atırǵan jumıslardı sheńberinde rayonda ámelge asırılıp atırǵan keń kólemli jumıslardı hám jaratılıp atırǵan sharayatlar menen jaqınnan tanıstı.

"Qusxanataw" awıl puqaralar jıyını aymaǵında bolıp, bul jerde "Jańa Ózbekstan" kórinisindegi zamanagóy máhálle qurıw baǵdarında alıp barılıp atırǵan jumıslardı kózden ótkerdi.

Ilaj dawamında aymaqtaǵı qurılıs hám abadanlastırıw jumısları, xalıq ushın jaratılıp atırǵan qolaylı sharayatlar, sonıń menen birge ámelge asırılıp atırǵan sociallıq hám infrastrukturalıq joybarlar haqqında maǵlıwmatlar berildi.

Deputat aymaqtaǵı ózgerisler xalıqtıń turmıs sapasın jaqsılawǵa, qolaylı hám zamanagóy jasaw sharayatların jaratıwǵa baǵdarlanǵanın atap ótti.