O‘rganish jarayonida mazkur Qonunda belgilangan pedagoglarning huquq va qonuniy manfaatlari, mehnat faoliyati uchun yaratilgan shart-sharoitlar, kasbiy faoliyatiga asossiz aralashuvlarga yo‘l qo‘ymaslik hamda pedagogik faoliyatni amalga oshirish bilan bog‘liq kafolatlarga qay darajada amal qilinayotganiga alohida e’tibor qaratildi.
Shuningdek, ta’lim muassasasida pedagog xodimlarning o‘z kasbiy vazifalarini samarali amalga oshirishlari uchun zarur sharoitlar yaratilgani, ularning huquqlarini ta’minlash borasida ko‘rilayotgan choralar atroflicha o‘rganildi.
O‘rganish yakuni bo‘yicha aniqlangan masalalar yuzasidan mas’ullarga tegishli tavsiya va ko‘rsatmalar berilib, Qonun talablariga qat’iy rioya etish zarurligi ta’kidlandi.
Pedagogni qo‘llab-quvvatlash — ta’lim sifatini oshirishga xizmat qiladi.
Zero, o‘qituvchining huquq va qonuniy manfaatlari ishonchli himoya qilingan, uning kasbiy salohiyatini namoyon etishi uchun munosib sharoit yaratilgan ta’lim muassasasida sifatli ta’lim va tarbiya uchun mustahkam zamin yaratiladi.
Xalq deputatlari Qumqo‘rg‘on tuman Kengashi tomonidan qonunlar ijrosini o‘rganish va fuqarolar, jumladan, pedagoglarning huquq va manfaatlarini ta’minlash masalalari doimiy e’tiborda.