Xalq deputatlari tuman Kengashi raisi J. Turmaxanov tomonidan deputatlik faoliyati doirasida Mahalliy Kengash deputati faoliyatining eng muhim yo‘nalishlari bo‘yicha TAVSIYALAR asosida “Suketti” OFY profilaktika inspektori tomonidan amalga oshirilayotgan ishlar holati o‘rganildi.

🔎 O‘rganish davomida mahallada jamoat tartibini saqlash, jinoyatchilik va huquqbuzarliklarning oldini olish, fuqarolar xavfsizligini ta’minlash borasida olib borilayotgan ishlar tahlil qilindi.

👥 Shuningdek, aholi bilan “xonadonbay” ishlash, fuqarolar murojaatlarini o‘rganish, muammoli oilalar va profilaktik hisobda turuvchi shaxslar bilan olib borilayotgan profilaktik tadbirlarning samaradorligiga e’tibor qaratildi.

🛡️ Mahallada barqaror ijtimoiy muhitni ta’minlash, yoshlar o‘rtasida huquqbuzarliklarning oldini olish, turli salbiy holatlarga sabab bo‘luvchi omillarni erta aniqlash va bartaraf etish bo‘yicha amalga oshirilayotgan ishlar ko‘rib chiqildi.

📌 Shu bilan birga, “Xavfsiz mahalla” tamoyili asosida jamoat xavfsizligini ta’minlash, profilaktika inspektorining mahalla faollari va “mahalla yettiligi” vakillari bilan hamkorligini kuchaytirish masalalari muhokama qilindi. 

📝 O‘rganish yakunlari bo‘yicha mahallada tinchlik-osoyishtalikni yanada mustahkamlash, jinoyatchilik va huquqbuzarliklarning oldini olish, aholi bilan manzilli ishlash hamda profilaktik tadbirlar samaradorligini oshirish yuzasidan tegishli tavsiya va takliflar bildirildi.

🤝 Deputatlik nazorati — mahallalarda xavfsiz va barqaror muhitni ta’minlash, aholi osoyishtaligini mustahkamlash hamda mavjud muammolarni joyida aniqlab, ularning yechimini ta’minlashga xizmat qiladi.