Xalq deputatlari Tomdi tumani Kengashi kotibiyati bosh mutaxassisi A.Jaysanbayev tomonidan “Sharq” ovul fuqarolar yig‘ini mahalla yettiligi a’zolari bilan uchrashuv o‘tkazildi.

Uchrashuv davomida mahallada aholi bilan ishlash, fuqarolarning murojaatlarini o‘rganish, ijtimoiy himoyaga muhtoj aholini qo‘llab-quvvatlash, bandlikni ta’minlash hamda hududdagi mavjud muammolarni aniqlash va ularni hal etish borasida amalga oshirilayotgan ishlar muhokama qilindi.

Shuningdek, mahalla yettiligi faoliyatini samarali tashkil etish, aholi bilan ochiq va tizimli muloqotni yo‘lga qo‘yish hamda aniqlangan muammolarni manzilli hal etish masalalariga alohida e’tibor qaratildi.

Uchrashuv yakunida tegishli masalalar yuzasidan fikr va takliflar bildirilib, kelgusida amalga oshirilishi lozim bo‘lgan vazifalar belgilab olindi.