📌 6-modda. Tuman Kengashining asosiy vakolatlari
🏘 Tuman Kengashining asosiy vakolatlariga quyidagilar kiradi:
1️⃣ Hududlarni ijtimoiy-iqtisodiy rivojlantirish va aholini ijtimoiy himoya qilish dasturlarini, tuman, shaharning bosh rejasini hamda uni qurish qoidalarini tasdiqlash.
💰 2️⃣ Byudjet masalalari:
tuman mahalliy byudjetini, shuningdek tuman byudjetini tegishincha tuman hokimining taqdimnomasiga binoan ko‘rib chiqish hamda qabul qilish;
ularning ijro etilishi ustidan nazoratni amalga oshirish;
tuman byudjeti daromadlarining prognozlarini ma’lumot uchun qabul qilish;
tuman byudjetiga o‘zgartirishlar kiritish to‘g‘risidagi qarorlarni tasdiqlash;
tegishli byudjetlardan moliyalashtiriladigan hududiy byudjet mablag‘larini taqsimlovchilarning byudjet mablag‘laridan samarali foydalanilishi hamda erishilgan natijalar to‘g‘risidagi hisobotlarini eshitish;
tuman mahalliy byudjetining, shuningdek tuman byudjetining tegishli davrdagi ijrosi to‘g‘risidagi hisobotlarni ko‘rib chiqish hamda tasdiqlash.
📊 3️⃣ Soliq va majburiy to‘lovlar:
Tuman soliqlari va boshqa majburiy to‘lovlarning stavkalarini qonunchilikda belgilangan miqdorlar doirasida belgilash.
👤 4️⃣ Hokimiyat faoliyati:
Hokimni va uning o‘rinbosarlarini lavozimga tasdiqlash, lavozimidan ozod etish, ularning faoliyatiga doir hisobotlarini, shuningdek tumanning ijtimoiy-iqtisodiy rivojlanishining eng muhim va dolzarb masalalari yuzasidan hisobotlarini eshitish.
📨 5️⃣ Xalq bilan muloqot:
O‘zbekiston Respublikasi Prezidentining tegishli Xalq qabulxonalarining hududdagi davlat organlari va tashkilotlar rahbarlari faoliyati hamda murojaatlar bilan ishlash holati to‘g‘risidagi axborotini har chorakda eshitish.
👩‍🎓 6️⃣ Yoshlar masalalari:
Yoshlar muammolarini o‘rganish, ularni hal etishga ko‘maklashish, yosh avlodning iste’dodi va qobiliyatini rivojlantirish uchun qo‘shimcha shart-sharoitlar yaratishga qaratilgan ishlar to‘g‘risida O‘zbekiston Respublikasi Yoshlar ishlari agentligi hududiy rahbarlarining hisobotlarini har olti oyda eshitish.
⚖️ 7️⃣ Qonuniy nazorat:
O‘zbekiston Respublikasining “Mahalliy davlat hokimiyati to‘g‘risida”gi Qonunida nazarda tutilgan hollarda hokim qarorlarini tasdiqlash.
📋 8️⃣ Kengash faoliyatini tashkil etish:
Tuman Kengashining ish tartibini, doimiy va muvaqqat komissiyalari to‘g‘risidagi nizomlarni tasdiqlash, ularga o‘zgartirish va qo‘shimchalar kiritish.