Xalq deputatlari Ishtixon tumani Kengashi deputati K.Yavkochdiyev tomonidan Safaxo‘ja mahallasida Kengashning 2026-yil 20-fevraldagi VII-19-24-7-95-K/26-son qarori bilan tasdiqlangan og‘ir hududlardagi mahallalarda yashash sharoitlarini yaxshilash va tadbirkorlik uchun sharoit yaratishga qaratilgan manzilli dastur doirasidagi ishlarning ijrosi o‘rganildi.

🔎 O‘rganish davomida mahallada dastur asosida amalga oshirilishi belgilangan aholini tomorqasiga suv chiqarish, sug‘orish tarmoqlarini yaxshilash, quyosh panellarini o‘rnatish, ariqlarni betonlash hamda mahalla infratuzilmasini rivojlantirish bilan bog‘liq loyihalarning holati ko‘rib chiqildi.

📊 Mazkur dastur doirasida Safaxo‘ja mahallasida 300 ta xonadonni sug‘orish tizimini yaxshilash, mahalla hududidagi Qangli, Ko‘tara va Safaxo‘ja qishloqlaridagi 400 ga yaqin xonadonning turmush sharoitini yaxshilash hamda quyosh panellari o‘rnatish orqali suv nasoslariga sarflanadigan elektr energiyasini tejash ko‘zda tutilgan.

🤝 O‘rganish davomida belgilangan tadbirlarning amaldagi holati, mavjud muammolar va ishlarni samarali tashkil etish masalalari mas’ullar bilan muhokama qilindi.

📌 Aniqlangan masalalar yuzasidan tegishli takliflar shakllantirilib, dasturda belgilangan vazifalarning ijrosini ta’minlash hamda natijadorligini oshirish bo‘yicha deputatlik nazorati davom ettiriladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)