Xalq deputatlari Ishtixon tumani Kengashining 19-Mingchinor saylov okrugidan saylangan deputati S.Abdug‘aniyev tomonidan saylov okrugi hududidagi Namuna mahallasida joriy oyda Kengash sessiyasi kun tartibiga kiritiladigan masala yuzasidan joyiga chiqqan holda o‘rganish olib borildi.

O‘rganish davomida mahalladagi xotin-qizlar faolining mahallalarda yoshlarni oilaviy hayotga tayyorlash, yordamga muhtoj hamda og‘ir ijtimoiy ahvolga tushib qolgan xotin-qizlarni qo‘llab-quvvatlash borasidagi faoliyati ko‘rib chiqildi.

Shuningdek, xotin-qizlarga ijtimoiy, iqtisodiy, huquqiy, psixologik va sog‘lomlashtirish yo‘nalishlarida ko‘rsatilayotgan yordamlar, ularning muammolarini aniqlash va mavjud muammolarni hal etish bo‘yicha amalga oshirilayotgan ishlar o‘rganildi.

O‘rganish yakunida aniqlangan masalalar yuzasidan tegishli taklif va tavsiyalar shakllantirilib, sessiyada muhokama qilish uchun tegishli tartibda kiritilishi belgilandi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)