Xalq deputatlari Qo‘qon shahar Kengashi deputati, Qo‘qon shahar hokimi M.Usmonov hamda Kengash kotibiyati mudiri A.Nosirov ishtirokida mahallalarda kambag‘al oilalar bilan ishlash tizimini yangi bosqichga olib chiqish, ularni kambag‘allikdan chiqarish borasida amalga oshirilayotgan ishlar samaradorligini yanada oshirish masalalariga bag‘ishlangan muhokama yig‘ilishi o‘tkazildi.

Muhokamada mahalla yettiligi vakillari, mahalla raislari hamda tegishli mas’ullar ishtirok etdi.

Yig‘ilish davomida har bir mahalla kesimida kambag‘allikni qisqartirish, ehtiyojmand oilalarni aniqlash, ularning mavjud muammolarini o‘rganish hamda oilalarni kambag‘allikdan chiqarish bo‘yicha amalga oshirilayotgan ishlar birma-bir tahlil va muhokama qilindi.

Har bir oilaning ijtimoiy va iqtisodiy holatidan kelib chiqib, ularni doimiy daromad manbai bilan ta’minlash, ishga joylashtirish, kasb-hunarga o‘qitish, tadbirkorlikka jalb etish hamda mavjud imkoniyatlardan samarali foydalanish masalalariga alohida e’tibor qaratildi.

Shuningdek, mahallalarda kambag‘allikni qisqartirish bo‘yicha belgilangan vazifalarning ijrosi, amalga oshirilayotgan ishlarning natijadorligi va mavjud muammolar muhokama qilinib, ularni bartaraf etish yuzasidan mas’ullarga tegishli vazifalar belgilandi.

Kambag‘allikni qisqartirishda har bir oila bilan individual ishlash, muammolarni manzilli o‘rganish va oilalarning barqaror daromadga ega bo‘lishiga ko‘maklashish asosiy vazifa etib belgilandi.

Xalq deputatlari Qo‘qon shahar Kengashi