Xalq deputatlari Bag‘dod tumani Kengashi deputati M.Ergashev tomonidan 2026-yil 21-avgust kuni Zafarobod oilaviy shifokorlik punkti faoliyatidagi mavjud muammolar, xususan, muassasani shifokorlar bilan ta’minlash, laboratoriya faoliyatini yaxshilash hamda isitish tizimining holati yuzasidan deputat so‘rovi yuborilgan edi.

🔹Mazkur deputat so‘rovi yuzasidan tuman Tibbiyot birlashmasi tomonidan o‘rganish ishlari olib borilib, ko‘tarilgan masalalarni ijobiy hal etish bo‘yicha tegishli amaliy choralar ko‘rildi.

🔹Jumladan, Zafarobod oilaviy shifokorlik punkti uchun shifokor mutaxassisliklari bo‘yicha vakansiyalar berildi. Yangi mutaxassislar ishga qabul qilingunga qadar hudud aholisiga tibbiy xizmat ko‘rsatish ko‘p tarmoqli markaziy poliklinika shifokorlari tomonidan amalga oshirilishi belgilandi.

🔹Ayol-qizlar va homilador ayollarga tibbiy xizmat ko‘rsatishni ta’minlash maqsadida 7-sonli oilaviy poliklinika akusher-ginekologi Komilova Moxinur biriktirildi.

🔹Shuningdek, laboratoriya bo‘limidagi mavjud muammolarni bartaraf etish maqsadida ishchi guruh tuzilib, muassasadagi mavjud tibbiy jihozlarning texnik holati o‘rganilmoqda. Ta’mirlash talab etiladigan uskunalarni ta’mirlash yoki zaruratga ko‘ra yangisiga almashtirish choralari ko‘riladi.

🔹Isitish tizimi bo‘yicha esa 2025–2026-yillar kuz-qish mavsumiga tayyorgarlik doirasida muassasaning isitish tarmog‘i qayta tortilgan bo‘lib, o‘tgan qish mavsumida issiqlik ta’minoti bilan bog‘liq muammolar kuzatilmagan. Hozirda isitish tizimi mavsumga tayyor holatga keltirilib, DXSH tashkiloti tomonidan yuvish va chayish ishlari amalga oshirildi.