Xalq deputatlari Bag‘dod tumani Kengashining “5-Cheksaroy” saylov okrugi deputati S.Egamnazarova hududiga kiruvchi “Karimbobo” mahalla fuqarolar yig‘inida Kengash Kotibiyati mudiri G‘.Abdullayev hamda tuman Kengashi deputati D.Xamraqulov tomonidan 16-umumiy o‘rta ta’lim maktabida “Tashabbusli budjet” loyihasi doirasida amalga oshirilayotgan qurilish-ta’mirlash ishlari joyiga chiqib o‘rganildi.

➡️O‘rganish davomida mazkur maktabda “Tashabbusli budjet” loyihasining 2026-yil 1-mavsumida “Maktabni ta’mirlash, qo‘shimcha bino qurish va moddiy-texnik bazasini rivojlantirish” yo‘nalishidagi loyiha ilgari surilgani hamda 1 milliard 648 million so‘m mablag‘ bilan g‘olib deb topilgani qayd etildi.

➡️ Hozirgi kunda g‘olib loyiha doirasidagi qurilish ishlari “ULUG‘BEK BUILDING INVEST” MCHJ tomonidan amalga oshirilmoqda. Ayni paytda qurilish obyektida beton quyish ishlari yakunlanib, g‘isht terish ishlari olib borilmoqda.

➡️ O‘rganish yakunida mas’ullarga qurilish ishlarini loyiha-smeta hujjatlari va belgilangan talablar asosida, sifatli amalga oshirish hamda ishlarni belgilangan muddatlarda yakunlash yuzasidan tegishli tavsiya va ko‘rsatmalar berildi.