"Hayallar dápteri"ne kiritilgen hayal-qızlar mashqalalı máseleleri úyrenildi. 

Xalıq deputatları Bozataw rayonlıq Keńesi 3-sanlı “Mádeniyat” okruginen saylanǵan deputat G.Yusupova hám rayon hákiminiń shańaraq hám hayal-qızlar máseleleri boyınsha orınbasarı
A.Xojageldieva menen birgelikte PPJ, APJdaǵı hayallar belsendeleriniń "Hayallar dápteri"ne kiritilgen hayal-qızlar mashqalasın úyrendi. 

Úyreniwde jamiyette hayal-qızlardıń ornı, olardıń sociallıq jaǵdayın jaqsılandırıw, bilim alıwı, jumısqa ornalasıwı hám olardı hár táreplema qollap-quwatlaw máseleleri keńnen dodalandı. Sonday-aq, hayal-qızlardıń iskerlik qabıletlerin rawajlandırıw, kásip úyreniwine sharayat jaratıw hám olardıń jámiyetlik belsendiligin arttırıw boyınsha pikirler bildirildi. 

Hayal-qızlar tárepinen kóterilgen máselelerdi sheshiw boyınsha tiyisli shara kóriw, olardı qadaǵalawǵa alıw hám ámeliy járdem kórsetiw boyınsha kelisip alındı.