#Shımbay_rayonı
#Birinshi_qońıraw

⚡️ShÍMBAYDA JAŃA OQÍW JÍLÍ BASLANDÍ

✅ 2-sentyabr kúni respublikamızdıń barlıq ulıwma bilim beriw mekteplerinde 2026-2027-oqıw jılınıń baslanıwına baǵıshlanǵan "Birinshi qońıraw" bayram ilajları joqarı keypiyatta ótkerildi.

Usı múnásibet penen 4-sanlı Qaraqalpaqstan saylaw okruginen saylanǵan Oliy Majlis nızamshılıq palatasınıń deputatı B.Aldamuratov hám Xalıq deputatları Shımbay rayonlıq Keńesi sekretariatınıń baslıǵı M.Zarikeev "Keńes" awıl puqaralar jıyını aymaǵında jaylasqan 4-sanlı ulıwma bilim beriw mektebinde ótkerilgen saltanatlı ilajda qatnastı.

♻️ Ilaj dawamında deputat sózge shıǵıp shıǵıp mektep jámááti, oqıtıwshılar, oqıwshılar hám ata-analardı jańa oqıw jılınıń baslanıwı menen qızǵın qutlıqladı. Ásirese, mektep bosaǵasına birinshi márte qádem qoyıp atırǵan 1-klass oqıwshılarına oqıwda úlken tabıslar, bilim shıńların iyelewde tabıslar tiledi. Sonday-aq, mámleketimizde bilimlendiriw tarawın rawajlandırıw, jaslarǵa sapalı tálim-tárbiya beriw baǵdarında ámelge asırılıp atırǵan keń kólemli reformalarǵa toqtap ótti.

📌Ilaj sońında jańa oqıw jılınıń dástúriy "Birinshi qońırawı" shertilip, oqıwshılar jańa oqıw jılındaǵı dáslepki sabaqların alıw ushın klass xanalarına mirát etildi.