Bugun yurtimizdagi barcha umumta’lim maktablarida 2026/2027-o‘quv yilining boshlanishiga bag‘ishlangan “Birinchi qo‘ng‘iroq” — “Bilimlar kuni” tadbirlari ko‘tarinki ruhda o‘tkazilmoqda. Xalq deputatlari Angor tumani Kengashi 18-Yangi turmush saylov okrugi deputati Sevara Yuldashova tumandagi 23-sonli umumiy o‘rta ta’lim maktabida bo’lib, bayram tadbirida ishtirok etdi.

Tadbir davomida O‘zbekiston Respublikasi Prezidenti Shavkat Mirziyoyevning yangi o‘quv yili munosabati bilan yo’llagan tabrigi o’qib eshittirildi. Maktabning 1-sinfga qadam qo’ygan o’quvchilariga esa “Prezident sovg’asi” tantanali ravishda topshirildi. Deputat o‘quvchilar, ustozlar va ota-onalarni yangi o‘quv yili boshlanishi hamda yurtimiz Mustaqilligining 35 yilligi bilan samimiy muborakbod etdi.
Yangi o‘quv yili barcha o‘quvchilar uchun ulkan zafarlar, yuqori natijalar va yangi bilimlar yili bo‘lsin.