Xalq deputatlari Angor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan korrupsiyaning oldini olish va unga qarshi kurashish masalalariga bag‘ishlangan yig‘ilish o‘tkazildi.

Yig‘ilishda doimiy komissiya raisi Djumayev Zafar Unarovich, komissiya a’zolari hamda tegishli mas’ullar ishtirok etdi.
Unda korrupsiyaviy holatlarning oldini olish, davlat organlari va tashkilotlari faoliyatida ochiqlik va shaffoflikni ta’minlash, manfaatlar to‘qnashuviga yo‘l qo‘ymaslik hamda korrupsiyaga qarshi kurashish bo‘yicha belgilangan vazifalarning ijrosi muhokama qilindi.

Shuningdek, Yo‘l xaritasida belgilangan chora-tadbirlarning ijrosi yuzasidan amalga oshirilgan ishlar tahlil qilinib, mavjud kamchiliklarni bartaraf etish va belgilangan vazifalarni o‘z vaqtida bajarish bo‘yicha mas’ullarga tegishli tavsiya va topshiriqlar berildi.

Yig‘ilish yakunida korrupsiyaning oldini olish, qonun ustuvorligini ta’minlash va jamiyatda korrupsiyaga nisbatan murosasiz munosabatni shakllantirish borasidagi ishlarni izchil davom ettirish zarurligi ta’kidlandi.