Kotibiyatning asosiy vazifalari:

⏩Kengash sessiyalari va doimiy komissiyalar yig‘ilishlarini tashkil etish;
⏩Sessiyalar kun tartibini shakllantirish hamda qaror loyihalarini tayyorlash;
⏩Kengash hujjatlarini rasmiylashtirish va yuritishni ta’minlash;
⏩Deputatlarning faoliyatini tashkiliy va axborot jihatdan qo‘llab-quvvatlash;
⏩Fuqarolar murojaatlari va deputatlik so‘rovlarini ko‘rib chiqish hamda ijrosini muvofiqlashtirish;
⏩Kengash qarorlari ijrosi ustidan monitoring olib borish;
⏩Tahliliy materiallar va axborotlarni tayyorlash;
⏩Davlat organlari, korxona va tashkilotlar bilan samarali hamkorlikni yo‘lga qo‘yish;

Mahalliy Kengash kotibiyati faoliyati O‘zbekiston Respublikasi Konstitutsiyasi, “Mahalliy davlat hokimiyati to‘g‘risida”gi Qonun, “Xalq deputatlari mahalliy Kengashi deputatining maqomi to‘g‘risida”gi Qonun hamda boshqa normativ-huquqiy hujjatlar asosida amalga oshiriladi.

Mahalliy Kengash kotibiyati deputatlar va aholi o‘rtasidagi samarali aloqani ta’minlaydi, Kengash faoliyatining ochiqligi va shaffofligini mustahkamlaydi, qabul qilinayotgan qarorlarning sifatli ijrosiga xizmat qiladi hamda hududni ijtimoiy-iqtisodiy rivojlantirishga munosib hissa qo‘shadi.