#kotibiyat_xodimi_faoliyati
#Kengash_qarori_ijrosi

"Yangiobod" mahaallasida tuman Kengashi qarori ijrosi o'rganildi

Xalq deputatlari tuman Kengashiga 5-Yangiobod saylov okrugidan saylangan deputat B.Bo‘tayevaning saylov okrugidagi “Yangiobod” mahallasida tuman Kengashi kotibiyati bosh mutaxassisi A.Mamarajabov tomonidan o‘rganish olib borildi.

O‘rganish davomida tuman Kengashining 2026-yil 1-maydagi VII-20-35-8-113-K/26-sonli qaror asosida ajratilgan mablag‘larning birinchi guruh nogironligi bo‘lgan va mehnatga layoqatli a’zosi bo‘lmagan oilalar xonadonlarini “yashil” ta’mirlash ishlariga yo‘naltirilishi yuzasidan amalga oshirilgan ishlar ko‘zdan kechirildi.

Jumladan, mablag‘larning maqsadli sarflanishi, xonadonlarda olib borilgan ta’mirlash va obodonlashtirish ishlari, ularning belgilangan talablarga muvofiqligi hamda bajarilgan ishlarning amaldagi holati xonadonma-xonadon o‘rganildi.

O‘rganish davomida aniqlangan holatlar yuzasidan tegishli mas’ullar bilan fikr almashilib, ajratilgan mablag‘lardan samarali va maqsadli foydalanish hamda ishlarni sifatli yakunlash bo‘yicha tegishli tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram