Xalq deputatlari Bag‘dod tumani Kengashi Kotibiyati mudiri G‘.Abdullayevga o‘z saylov okrugi hududiga kiruvchi Qo‘shtegirmon-1 mahalla fuqarolar yig‘inining Uzun ko‘chasida istiqomat qiluvchi fuqarolar tomonidan tomorqa yerlarini sug‘orish uchun suv ta’minoti bilan bog‘liq muammo yuzasidan murojaat kelib tushgan edi.

Mazkur murojaat ijrosini ta’minlash maqsadida tuman hokimligi huzuridagi “Infratuzilma va ijtimoiy barqarorlik” jamg‘armasi hisobidan mablag‘ ajratilib, Qo‘shtegirmon arig‘ining suv taqsimlash inshootiga suv darvozasi (zatvor) o‘rnatildi.

Amalga oshirilgan ushbu ishlar natijasida Qo‘shtegirmon-1, Nurafshon va Qo‘shtegirmon-2 mahalla fuqarolar yig‘inlarining Farobiy, Uzun, Obod, Soy sohili ko‘chalari hamda Dehqon qishlog‘ida istiqomat qiluvchi 300 dan ortiq xonadonning tomorqa yerlarini sug‘orish uchun suv ta’minoti yaxshilandi.

Mazkur murojaat ijrosi va amalga oshirilgan ishlarning holati Xalq deputatlari Bag‘dod tumani Kengashi raisi D.Karimova hamda Kengash Kotibiyati mudiri G‘.Abdullayev tomonidan joyiga chiqqan holda o‘rganildi.