Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tumanning “Iskandar” mahallasiga biriktirilgan hokim yordamchisi G‘.Abduxalilovaning aholi bandligini ta’minlash, xonadonlar daromadini oshirish va kambag‘allikni qisqartirish borasida olib borayotgan ishlari o‘rganildi.

O‘rganish davomida mahallada ishsiz, doimiy daromad manbaiga ega bo‘lmagan hamda ijtimoiy ko‘makka ehtiyoj sezayotgan fuqarolar bilan manzilli ishlash holatiga alohida e’tibor qaratildi. Hokim yordamchisi tomonidan xonadonbay o‘rganishlar asosida aholining bandlik va daromad manbalari aniqlanib, mavjud muammolarni hal etish bo‘yicha tegishli choralar ko‘rilayotgani qayd etildi.

O‘rganish jarayonida hokim yordamchisining aholi bilan muloqoti, fuqarolar murojaatlarini o‘rganishi hamda ularning bandligini ta’minlashga qaratilgan amaliy choralari ham ko‘rib chiqildi. Ayniqsa, ishsiz yoshlar va xotin-qizlarni kasb-hunarga o‘qitish, ularni munosib ish o‘rinlariga joylashtirish va tadbirkorlik faoliyatiga jalb etish borasidagi ishlarni yanada kuchaytirish zarurligi qayd etildi. Shu bilan birga, aniqlangan muammolarni bartaraf etish, ishsiz fuqarolarni bandligini ta’minlash, aholiga daromad keltiruvchi faoliyat turlarini kengaytirish hamda kambag‘al oilalar bilan manzilli ishlashni kuchaytirish bo‘yicha tegishli tavsiyalar berildi.