Andijon pedagogika texnikumi

O‘zbekiston Respublikasi davlat mustaqilligining 35 yilligi munosabati bilan hamda “Dolzarb 90 kunlik” doirasida Andijon pedagogika texnikumi hududida obodonlashtirish va tozalash ishlari olib borilmoqda.

Mazkur jarayon Xalq deputatlari Andijon shahar Kengashi deputati Dilafruz Qurbonova boshchiligida tashkil etilib, ta’lim muassasasi hududini obodonlashtirish, mavjud yashil maydonlarni tartibga keltirish, daraxt va gulzorlarni parvarishlash hamda sanitariya-tozalik holatini yaxshilashga alohida e’tibor qaratilmoqda.

Shuningdek, hududning umumiy ko‘rinishini yanada yaxshilash, o‘quvchilar uchun qulay va ozoda muhit yaratish maqsadida tegishli ishlar izchil davom ettirilmoqda.

Bunday obodonlashtirish ishlari hududlarni yanada ko‘rkamlashtirish, ekologik madaniyatni yuksaltirish hamda yoshlar uchun munosib ta’lim muhitini yaratishga xizmat qiladi.