Sheyxon mahalla raisi faoliyati o‘rganildi.

Xalq deputatlari Qiziltepa tumani Kengashining 9-Sheyxon saylov okrugidan saylangan tuman Kengashi deputati B. Samadov betobligi sababli, tuman Kengashi kotibiyati bosh mutaxassisi D. Qanoatov tomonidan Sheyxon mahalla raisining faoliyati o‘rganildi.

O‘rganish davomida mahalla raisi tomonidan hududda amalga oshirilayotgan ishlar, fuqarolar murojaatlari bilan ishlash, aholi muammolarini aniqlash va ularni tegishli tashkilotlar bilan hamkorlikda hal etish borasidagi faoliyatiga e’tibor qaratildi.

Shuningdek, mahallada aholi bandligini ta’minlash, ishsiz fuqarolarni ishga joylashtirish, tadbirkorlik faoliyatini yo‘lga qo‘yish istagidagi fuqarolarni qo‘llab-quvvatlash, ehtiyojmand oilalarni aniqlash hamda ularning ijtimoiy muammolarini bartaraf etish bo‘yicha olib borilayotgan ishlar tahlil qilindi.