#19_1_modda
#kotibiyat_xodimi_faoliyati
#sessiya_kun_tartibidagi_masalani_organish

Sessiya kun tartibidagi masala yuzasidan o'rganish o'tkazildi

Xalq deputatlari tuman Kengashining navbatdagi sessiyasi kun tartibiga kiritilgan tuman hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘larini yo‘naltirish haqidagi masala yuzasidan tuman Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasiga biriktirilgan tuman Kengashi kotibiyati bosh mutaxassisi A.Mamarajabov tuman hokimligida o‘rganish olib bordi.

O‘rganish davomida jamg‘arma mablag‘larini shakllantirish va ulardan foydalanishning amaldagi tartibi, mablag‘larni yo‘naltirish bo‘yicha taqdim etilgan takliflar hamda mazkur mablag‘lar hisobidan amalga oshirilishi rejalashtirilgan ishlarning asoslanganligi va maqsadga muvofiqligi yuzasidan tegishli ma’lumotlar o‘rganildi.

Shuningdek, mablag‘larni ajratish bo‘yicha taqdim etilgan hisob-kitoblar, moliyalashtirish manbalari va rejalashtirilgan xarajatlar bo‘yicha mas’ul mutaxassislar bilan suhbat o‘tkazilib, qo‘shimcha ma’lumotlar olindi.

O‘rganish yakunlari bo‘yicha aniqlangan ma’lumotlar sessiya kun tartibidagi mazkur masalani ko‘rib chiqishda inobatga olish uchun umumlashtirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram