Xalq deputatlari Qo‘qon shahar Kengashi deputati M.Axmedova tomonidan fuqaro murojaati asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar davomida Qo‘qon shahar “Qo‘shchinor” mahalla fuqarolar yig‘ini Toshpo‘lat O‘razqul ko‘chasi 21-uyda yashovchi fuqaro Meliboyeva Manzuraxon o‘z xonadonining kadastr hujjatlarini rasmiylashtirish masalasida amaliy yordam berishni so‘rab murojaat qilgan.

Murojaatda fuqaroning yashash xonadoniga oid kadastr hujjatlarini belgilangan tartibda rasmiylashtirishda amaliy ko‘mak ko‘rsatilishi so‘ralgan.

Shu munosabat bilan deputat tomonidan Qo‘qon shahar Kadastr agentligi boshlig‘i B.Erkaboyevga deputatlik so‘rovi yuborildi.

Deputatlik so‘rovida:
Qo‘qon shahar “Qo‘shchinor” MFY Toshpo‘lat O‘razqul ko‘chasi 21-uyda yashovchi fuqaro Meliboyeva Manzuraxonning xonadonini kadastr hujjatlari qanday tartibda rasmiylashtirib berilishi yuzasidan fuqaro bilan uchrashib, o‘z nuqtai nazarini bayon etishi hamda kadastr hujjatlari qachon rasmiylashtirib berilishi yuzasidan ma’lumot berishi;
Mazkur xonadonning kadastr hujjatlarini rasmiylashtirish muddatlari va jarayoni haqida batafsil ma’lumot taqdim etishi so‘ralgan.

Mazkur masala deputat nazoratiga olingan bo‘lib, deputatlik so‘roviga qonunchilikda belgilangan tartibda (so‘rov olingan kundan e’tiboran 10 kundan kechiktirmasdan) javob taqdim etilishi hamda murojaat yuzasidan amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi