📌 Xotin-qizlarni tazyiq va zo‘ravonlikdan himoya qilish masalalari yuzasidan uchrashuv o‘tkazildi

Xalq deputatlari tuman Kengashi kotibiyati mudiri M.Turopova tomonidan tuman Oila va xotin-qizlar bo‘limida fuqarolar ishtirokida O‘zbekiston Respublikasining “Xotin-qizlarni tazyiq va zo‘ravonlikdan himoya qilish to‘g‘risida”gi O‘RQ-561-son Qonuni ijrosini ta’minlash yuzasidan uchrashuv tashkil etildi.

Tadbir davomida mazkur qonunning mazmun-mohiyati, xotin-qizlarning huquq va manfaatlarini himoya qilish, ularni tazyiq va zo‘ravonlik holatlaridan muhofaza etish bo‘yicha belgilangan chora-tadbirlar hamda mas’ul tashkilotlarning vazifalari haqida batafsil tushuntirishlar berildi.

Uchrashuvda fuqarolarning murojaatlari tinglanib, oilalarda sog‘lom muhitni shakllantirish, xotin-qizlarning huquqiy savodxonligini oshirish va zo‘ravonlikning oldini olish bo‘yicha amalga oshirilayotgan ishlar muhokama qilindi.