Deputat 2026-2027-oqıw jılına tayarlıq sheńberinde mekteptegi ońlaw jumısları menen tanıstı

Xalıq deputatları Shımbay rayonlıq Keńesi sekretariat baslıǵı M.Zarikeev hám N.Berdimuratov “Keńes” APJ aymaǵındaǵı 4-sanlı ulıwma bilim beriw mektebiniń 2026-2027-oqıw jılına tayarlıq jumısları sheńberinde aymaqtaǵı ulıwma bilim beriw mektebinde bolıp, ámelge asırılıp atırǵan ońlaw jumısların úyrendi.

Úyreniw dawamında klass xanaları, jollar, tóbe bólegi, ısıtıw hám elektr támiynatı sistemaların ońlaw, sonday-aq, abadanlastırıw jumıslarınıń barısı kózden ótkerildi. Deputat qurılıs-ońlaw jumıslarınıń sapası, belgilengen múddetlerde juwmaqlanıwı hám oqıwshılar ushın qáwipsiz hám zamanagóy bilimlendiriw ortalıǵın jaratıw máselelerine ayrıqsha itibar qarattı.

Juwapkerler menen ótkerilgen sóylesiwde bar kemshiliklerdi qısqa múddetlerde saplastırıw, ońlaw jumısların sapalı shólkemlestiriw hám jańa oqıw jılı baslanǵanǵa shekem barlıq jumıslardıń tolıq juwmaqlanıwın támiyinlew boyınsha tiyisli usınıs hám tapsırmalar berildi.

Atap ótilgenindey, bilimlendiriw mákemelerin jańa oqıw jılına puqta tayarlaw, oqıwshılar ushın múnásip sharayatlar jaratıw deputatlıq qadaǵalawdıń tiykarǵı baǵdarlarınan biri bolıp esaplanadı.