Xalq deputatlari Andijon shahar Kengashi raisi R. Ziyayev hamda Xalq deputatlari viloyat Kengashi kotibiyati mudiri N. Toychiyeva Andijon shahridagi "Iqbol" MFYda bo‘lib, mahalla yettiligi faoliyatini yaqindan o‘rgandilar.

Tashrif davomida ishsiz yoshlarning bandligini ta'minlash, ularni kasb-hunarga yo‘naltirish hamda bo‘sh ish o‘rinlariga joylashtirish borasida amalga oshirilayotgan ishlar tahlil qilindi.

Shuningdek, ijtimoiy muammolarni hal etish, xotin-qizlarning jamiyatdagi faolligini oshirish, ularning muammolarini o‘rganish va ehtiyojmand oilalarni ijtimoiy qo‘llab-quvvatlash masalalari muhokama qilindi.

Yakunda fuqarolarning murojaatlari tinglanib, ularni hal etish yuzasidan tegishli tushuntirish va tavsiyalar berildi.

Xalq manfaatlari yo‘lida tizimli ishlar davom etmoqda.