Axborot-resurs markazi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Xalq deputatlari Navoiy shahar Kengashi deputati Faxriddin Ro‘ziqulov hamda kotibiyat bosh mutaxassisi Diyorbek Toyirov tomonidan Navoiy viloyat Axborot-resurs markazi faoliyati joyiga chiqqan holda o‘rganildi.

O‘rganish jarayonida markazda kitobxonlar uchun yaratilgan shart-sharoitlar, axborot-kutubxona xizmatlarining tashkil etilishi, elektron resurslardan foydalanish imkoniyatlari, kitob fondining saqlanish holati hamda kitobxonlarga ko‘rsatilayotgan xizmatlar sifati bilan yaqindan tanishildi.

Shuningdek, markaz mas’ullari bilan muloqot o‘tkazilib, kitobxonlik madaniyatini yuksaltirish, yoshlarning mutolaaga bo‘lgan qiziqishini oshirish, zamonaviy axborot-kutubxona xizmatlarini yanada rivojlantirish hamda aholiga ko‘rsatilayotgan xizmatlar samaradorligini oshirish masalalari yuzasidan fikr almashildi.

O‘rganish yakunida markaz faoliyatini yanada takomillashtirish, kitobxonlarga yaratilgan qulayliklarni kengaytirish va axborot-kutubxona xizmatlari sifatini oshirish yuzasidan tegishli tavsiyalar bildirildi.

Mazkur o‘rganishlar aholining axborot va bilim olish imkoniyatlarini kengaytirish, mutolaa madaniyatini rivojlantirish hamda ma’naviy-ma’rifiy muhitni yanada yuksaltirishga xizmat qiladi.