Xalq deputatlari Chilonzor tumani Kengashi deputati, Kotibiyat mudiri Murotova Lola Ne'matjon qizi fuqaro Jo'rayev Farida Soatmurot qizining murojaatini ko‘rib chiqib, uning bandligini ta'minlash masalasini shaxsan nazoratga oldi.

Deputat fuqaro bilan birgalikda Chilonzor tumani Kambag‘allikni qisqartirish va bandlikka ko‘maklashish bo‘limiga tashrif buyurib, mavjud bo‘sh ish o‘rinlari (vakansiyalar) bilan tanishdi hamda fuqaroning mutaxassisligi va malakasiga mos ish o‘rinlarini o‘rgandi.

Olib borilgan amaliy ishlar natijasida fuqaroning ishga joylashishiga ko‘maklashish yuzasidan Toshkent Pedagogika texnikumiga tegishli murojaatnoma yuborildi.

Fuqarolarning bandligini ta'minlash, ularning murojaatlarini o‘z vaqtida ko‘rib chiqish hamda mavjud muammolariga amaliy yechim topishga ko‘maklashish deputatlik faoliyatining ustuvor yo‘nalishlaridan biri hisoblanadi.