Xalq deputatlari Ulug‘nor tumani Kengashi deputati N.Nishonov tomonidan Cho‘lobod mahallasi Zarafshon
ko‘chasida olib borilayotgan asfaltlash ishlari joyiga chiqqan holda o‘rganildi. Tashrif davomida deputat qurilish-ta’mirlash ishlarining borishi, asfalt yotqizish jarayonining sifati, belgilangan me’yor va talablarga muvofiqligi hamda ishlarning o‘z vaqtida yakunlanishi yuzasidan mas’ullar bilan muloqot qildi. O‘rganish yakunida N.Nishonov qurilish ishlarining sifatli va belgilangan muddatlarda yakunlanishi ustidan deputatlik nazorati davom ettirilishini ta’kidlab, mas’ullarga aniq tavsiya va topshiriqlar berdi. Bunday o‘rganishlar hududlarda amalga oshirilayotgan bunyodkorlik ishlarining samaradorligini ta’minlash, aholi uchun munosib infratuzilmani
shakllantirish hamda deputatlik nazoratini yanada kuchaytirishga xizmat qiladi.