Xalq deputatlari Zarbdor tuman Kengashiga 8-Oybek saylov okrugidan saylangan deputat Dilrabo Ochilova tomonidan "Oybek" mahallasidagi Serquyosh ko‘chasi aholisi murojaati asosida deputatlik so‘rovi yuborildi.
📍 O‘rganishlar davomida mazkur ko‘chadagi 20 ga yaqin xonadonda markazlashgan ichimlik suvi tarmog‘i mavjud emasligi, natijada aholi ichimlik suvi ta’minotida jiddiy qiyinchiliklarga duch kelayotgani aniqlandi.
🏢 Mazkur holat yuzasidan Zarbdor tuman suv ta’minoti korxonasi boshlig‘iga deputatlik so‘rovi kiritilib, Serquyosh ko‘chasidagi mavjud holatni joyiga chiqib o‘rganish, ushbu hududdagi 20 ga yaqin xonadonni markazlashgan ichimlik suvi tarmog‘iga ulash hamda zarur hollarda yangi ichimlik suvi tarmoqlarini tortish choralarini ko‘rish so‘raldi.
✅ Fuqarolar murojaatida ko‘tarilgan masalaning ijrosi deputat nazoratiga olinib, mutasaddi tashkilotning bu boradagi ishlari yuzasidan ma’lumotlar olinib boriladi.