Xotin-qizlarni qo‘llab-quvvatlash borasidagi ishlar o‘rganildi

Xalq deputatlari Qiziriq tumani Kengashi deputati D.Xoliqova hamda tuman Kengashi kotibiyati bosh mutaxassisi A.Mamarajabov Kengashning navbatdagi sessiyasi kun tartibiga kiritilgan xotin-qizlarni qo‘llab-quvvatlash, ularga tadbirkorlik faoliyatini amalga oshirishga ko‘maklashish, shuningdek, xotin-qizlarning huquqlari va qonuniy manfaatlarini himoya qilish borasida amalga oshirilayotgan ishlar yuzasidan tuman Oila va xotin-qizlar bo‘limiga tashrif buyurdilar.

Tashrif davomida bo‘lim tomonidan xotin-qizlarni ijtimoiy qo‘llab-quvvatlash, ularning bandligini ta’minlash, tadbirkorlik faoliyatiga jalb etish, kasb-hunarga o‘qitish, ijtimoiy himoyaga muhtoj xotin-qizlar bilan manzilli ishlash hamda ularning huquq va qonuniy manfaatlarini himoya qilish borasida amalga oshirilayotgan ishlar o‘rganildi.

Shuningdek, soha mas’ullari bilan ochiq muloqot o‘tkazilib, mavjud muammo va kamchiliklar, ularni bartaraf etish choralari hamda qonun ijrosini yanada samarali tashkil etish yuzasidan fikr almashildi. Faoliyat davomida yuritilayotgan hujjatlar bilan tanishilib, aniqlangan masalalar yuzasidan tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram