Mahalla faoliyati o‘rganildi

Xalq deputatlari tuman Kengashi deputati E.Hamroyev tuman Kengashi kotibiyati bosh mutaxassislari J.Donayev hamda A.Mamarajabov bilan birgalikda "Mustaqillik" mahallasiga tashrif buyurib, mahalla yettiligi faoliyati bilan yaqindan tanishdilar.

Tashrif davomida mahallada aholi murojaatlari bilan ishlash, ijtimoiy himoyaga muhtoj oilalarni qo‘llab-quvvatlash, huquqbuzarliklar profilaktikasi, bandlikni ta’minlash, obodonlashtirish yo‘nalishlarida amalga oshirilayotgan ishlar yuzasidan yuritilayotgan hujjatlar, reyestrlar va hisobot hujjatlarining yuritilishi o‘rganildi.

Shuningdek, mahalla yettiligi tomonidan olib borilayotgan ishlarning samaradorligi, hujjatlarning amaldagi tartib va talablar asosida yuritilishi, mavjud muammo va kamchiliklar muhokama qilinib, ularni bartaraf etish hamda mahalla faoliyatini yanada takomillashtirish yuzasidan tegishli tavsiya va takliflar bildirildi.


Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram