Ichki ishlar organlari faoliyatida qonun ijrosi o‘rganildi

Xalq deputatlari Qiziriq tumani Kengashi deputati Ch.Alimov hamda tuman Kengashi kotibiyati mudiri K.Muhammadiyev deputatning biriktirilgan tashkiloti bilan ishlash rejasi doirasida Qiziriq tumani Ichki ishlar bo‘limiga tashrif buyurdilar.

Tashrif davomida deputat Ch.Alimovga biriktirilgan “Ichki ishlar organlari to‘g‘risida”gi O‘zbekiston Respublikasi Qonuni (O‘RQ–407-son, 2016-yil 16-sentabr) ijrosini o‘rganish yuzasidan tayyorlangan savolnoma asosida o‘rganish olib borildi.

O‘rganish jarayonida qonun talablarining amaldagi ijrosi, jamoat tartibini saqlash, fuqarolarning huquq va erkinliklarini himoya qilish, murojaatlar bilan ishlash hamda ichki ishlar organlari faoliyatining samaradorligini oshirish borasida amalga oshirilayotgan ishlar yuzasidan mas’ullar bilan suhbat o‘tkazildi va ularning axboroti tinglandi.

Shuningdek, savolnomada ko‘tarilgan masalalar yuzasidan fikr almashilib, qonun ijrosini yanada samarali ta’minlash hamda fuqarolarga ko‘rsatilayotgan xizmatlar sifatini oshirish bo‘yicha tegishli taklif va tavsiyalar bildirildi.

Joylarda qonunlar ijrosi ustidan deputatlik nazorati hamda deputatlarga biriktirilgan tashkilotlar faoliyatini o‘rganish ishlari izchil davom ettirilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram