FARMON IJROSI O‘RGANILDI

Xalq deputatlari Quva tuman Kengashi deputati M.Akramov hamda tuman Kengashi
kotibiyati bosh mutaxassisi A.Fozilov birgalikda Qashqar mahalla fuqarolar
yig‘inida bo‘lib, mahalla raisi va “mahalla yettiligi” tomonidan O‘zbekiston
Respublikasi Prezidentining PF-209-son Farmoni ijrosini ta’minlash yuzasidan
amalga oshirilayotgan ishlarini o‘rgandi.

O‘rganish davomida mahallada aholi muammolarini aniqlash va ularni tizimli hal
etish, ijtimoiy himoyaga muhtoj oilalarni qo‘llab-quvvatlash, bandlikni
ta’minlash, tadbirkorlikni rivojlantirish hamda hududda amalga oshirilayotgan
islohotlarning samaradorligi tahlil qilindi.

Shuningdek, mahalla faoliyatini yanada takomillashtirish, aniqlangan
kamchiliklarni bartaraf etish va Farmon ijrosini sifatli ta’minlash bo‘yicha
mahalla mas’ullariga tegishli tavsiya hamda takliflar berildi, aniqlangan
kamchiliklar hamda hal etilishi lozim bo‘lgan masalalar “Deputatning ko‘cha
aylanish daftari”ga kiritildi. Mazkur yo‘nalishdagi ishlar
yuzasidan deputatlik nazorati izchil davom ettirilishi ta’kidlandi.