Deputatlar tomonidan biriktirilgan tashkilotlarda o‘rganish ishlari davom etmoqda

Xalq deputatlari Termiz tuman Kengashi deputatlari tomonidan o‘zlariga biriktirilgan tashkilotlarda qonun hujjatlari va Kengash qarorlari ijrosi, amalga oshirilayotgan ishlar hamda tizim faoliyati yuzasidan o‘rganishlar olib borilmoqda.

Navbatdagi o‘rganish Termiz tuman Mahalla uyushmasi bo‘limida tashkil etildi. Unda mahallalarda olib borilayotgan ijtimoiy-ma’naviy ishlar, fuqarolar murojaatlari bilan ishlash tizimi, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bilan ishlash, shuningdek, mahalla tizimida amalga oshirilayotgan islohotlar ijrosi yuzasidan batafsil tanishildi.

O‘rganish davomida mavjud holat tahlil qilinib, aniqlangan kamchiliklarni bartaraf etish, qonunchilik talablariga qat’iy rioya etish hamda tizim faoliyati samaradorligini yanada oshirish bo‘yicha tegishli tavsiya va takliflar berildi.

Bunday o‘rganishlar davlat organlari faoliyati ustidan deputatlik nazoratini kuchaytirish, aholi manfaatlarini ta’minlash hamda amalga oshirilayotgan islohotlar samaradorligini oshirishga xizmat qiladi.