Sessiya kun tartibidagi masala joyiga chiqqan holda o‘rganildi

Xalq deputatlari Termiz tuman Kengashi mudiri A.Avliyakulov, deputat O‘.Omonov hamda tuman Kengashi mutaxassisi T.Murodov bilan birgalikda Yangiobod MFY hududida navbatdagi sessiya kun tartibiga kiritilgan masala yuzasidan joyiga chiqqan holda o‘rganishlar olib borildi.

O‘rganishlar O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida”gi PQ–141-sonli qarori ijrosi doirasida amalga oshirildi.

Jarayon davomida hududdagi elektr energiyasi ta’minoti, ichimlik suvi tarmoqlari va ichki yo‘llar holati atroflicha o‘rganilib, amalga oshirilayotgan ishlar hamda mavjud muammolar tahlil qilindi. Shuningdek, aholi bilan muloqot o‘tkazilib, ularning taklif va mulohazalari tinglandi.

Mazkur o‘rganish natijalari navbatdagi sessiyada muhokama qilinib, hudud infratuzilmasini yanada yaxshilash, aholining turmush sharoitlarini yuksaltirish bo‘yicha tegishli qarorlar qabul qilinishi ko‘zda tutilgan.

Hududdagi har bir muammo o‘rganilib, har bir masala amaliy yechim topishi deputatlar nazoratida!